الحب عندي بيتمثل في حبيب شايف كل عيوب حبيبه ومكلبش فيه ... لية بقا ؟؟ مش علشان مراية الحب عامية زي ما بسمع ..لاء لان هنا الحبيب بيشوف اللي بيحبه بقلبه مش بعينه .. بنشوف كتير ناس تقول ياااه دا وحش اووي ازي تتجوزه هي احلي كتير .. والعكس ..ياخبر ازي القمر دا يتجوز دي .. دي مش حلوة خالص .. انتم بتتكلموا من وجهه نظركم ... هو او هي شايفين الحلو اللي في بعض .. مهتموش بالشكل ولا بكلام الناس والانتقاض .. شايفين بعض من جوه مش من بره .. ومعظم العلاقات دي بتنجح جداا جداا .. في مقوله حلوة اووي بتقول .. "يسهل الوقوع في حب الضوء آرني عتمتك " فعلا سهل ان حد ينبهر بيك طول ما في مسافه مغطيه العيوب دي .. سهل حد يتعلق بيك علشان ماشفش منك غير الحلو .. لكن صعب حد يشوف عيوبك ولحظات ضعفك ويأسك ويفضل ماسك فيك بنفس القوة غير لو كان بيحبك .. اذا غبت عنه غصب عنك يفضل يدور عليك لحد ما يلاقيك .. اذا غلطت بيعتبك وهو بيحتويك بكل حب في نفس الوقت بيحس بفراغ ووحده وانت بعيد عنه في عز ما الدنيا كلها حواليه .. بيكون عايز يدخلك جواه علشان محدش يشوفك غيره هو وبس بتكون محور حياته .. الحب هنا مش بيكون حب عادي .. بيكون حب عمر ..بمعني ان الحب دا هو السند ..هو العكاز بعد سنين يعني انتم عكاز بعض ..لان لا في جمال وقتها دايم ولا شكل حلو بيفضل .. وقتها محتاج ضهر وسند واحتواء بنكون في اشد الحاجة ليه ..بعد ما نكبر ونعجز .. حب الجوهر اهم .. اختار عكازك..