راكبة مع سواق تاكسي كبير في السن أخد باله اني اول ما ركبت حاولت أفتح الشباك ومفتحش، فقالي عايزة تفتحيه؟ قلتله أه لو ينفع، قالي خبطي عليه ٣ خبطات وهو هيفتحلك، من غير تفكير خبطت ال ٣ خبطات لقيت الشباك فتح فعلًا من غير ما أحاول أفتحه، ببصله في المرايا وبقوله فتح شكرًا لقيته فطسان ضحك وبيقولي انتِ طيبة أوي، اقولك خبطي ع الشباك ٣ خبطات تخبطي فعلًا؟ شكلك ايه لو حد شافك بتخبطي ع شباك علشان يفتح، أنا اللي فتحتهولك من عندي، بس وقضيت مشوار من عين شمس لمدينة نصر كل ما عيني تيجي في عينه في المرايا ألاقيه بيضحك#كومنتاتك