أيوه انا أم الولاد .. اللي كل محد يشوفني يقولي ربنا يعوض عليكي ببنت تشيلك وتحن عليكي اللي كل محد يشوفني يحطم فيا بكلامه ويقولي المثل الخايب "ربي ياخايبه للغايبه" ! 😒 لا انا مش بربي للغايبه ، انا هربيهم وهعلمهم وهوهب حياتي كلها ليهم .. هعلمهم الحنيه هعلمهم العطاء هعلمهم يشيلو مسئوليه هعلمهم يساعدوني في البيت مش هقوله انت ولد تعمل اللي انت عايزه ✋ هعلمهم الحلال والحرام هقولهم انا تعبانه انهارده شيلوني زي منا بشيلكم رتب هدومك ونضفها هعلمهم أن بنات الناس لازم تتقدر وتتشال عالراس هعلمهم القوامه هعلمهم يقولو شكرا ويقدرو المجهود مش هقوله زعق زمنت عايز منت راجل ! هعلمه يبوسني ويحضني اول ميدخل البيت حتي لو بقي طولي 🫂 مش هقوله الراجل ميعيطش! هقوله الراجل بيحس عادي مهو بشر ♥️ كان زمان من الجهل بيضايقو أم البنات انهارده المجتمع مش عاتق لا أم البنات ولا الولاد وكأننا احنا اللي بنختار مش ربنا اللي بيرزق 😒 فالحمدلله علي عطاياه ♥️. #كومنتاتك